ՍԻՐԱՅԻՆ ՄԻՆԻՍՏՐՈՒԹՅԱՆ ԿՈԼԵԳԻԱՅԻ ՈՐՈՇՈՒՄ
1. Այն ամուսիններին, որոնք երկու տարուց ավել համատեղ ապրել են և չունեն օրինական ժառանգ, ճանաչել մեղավոր, որպես խափանված արտադրության ու ենթակել քրեական պատասխանատվության Քր. օրենսգրքի 124 հոդվածով, որպես իրենց պարտականությունների կատարման գործում անհոգի վերաբերմունք ցուցաբերողի :
2. Այն տղամարդկանց, ովքեր զգացմունքները մեռցրած` անտարբեր են նայում գեղեցիկ կանանց, ենթարկել պատասխանատվության Քր. օրենսգրքի 148 հոդվածով, որպես պետական ու հասարակական < գույքի > նկատմամբ անտարբեր նայողի :
3. Երեսուն տարին լրացած այն աղջիկներին, որոնք ընտրության պատճառով չեն ամուսնացել, ենթարկել պատասխանատվության Քր. օրենսգրքի 110 հոդվածով և որպես < չվաճառվող ապրանքանյութական արժեք > ուղարկել վերամշակման, իսկ ստացված պատրաստի արտադրանքը վաճառել 50 տոկոս զեղչով :
4. Այն տղամարդկանց, ովքեր ամուսնացել են պատահական, կամ` գաղտագողի, ենթարկել պատասխանատվության Քր. օրենսգրքի 165 հոդվածով, որպես ժառանգական պարտքը ծնողի հանդեպ չկատարողի :
5. Այն երիտասարդներին, ովքեր անհարգելի ուշացել են ժամադրության վայրից ու չեն ներկայացել ժամանակին, ենթարկել պատասխանատվության Քր. օրենսգրքի 166 հոդվածով, որպես սահմանային կարգը խախտողների ու զրկել տեսակցության վայրից 1 տարի ժամանակով :
6. Այն կանանց, ովքեր իրենց գրավիչ աչքերն օգտագործում են, որպես սառը զենք տղամարդկանց ահաբեկելու և ազդելու համար, ենթարկել պատասխանատվության Քր. օրենսգրքի 214 հոդվածով, որպես սառը զենքի մշտական օգտագործողի :
7. Այն տղամարդկանց, ովքեր տարվելով առանձին կանանց սիրով , ապօրինաբար սեր են որսում պատահական հանդիպումներից, ենթարկել պատասխանատվության քր. օրենսգրքի 160 հոդվածով, որպես արգելված վայրում մուտք գործողների ...
ՆՈՐ ԴԱՍՏԻԱՐԱԿՈՒԹՅՈՒՆ
Ես պետք է խոսեմ կալանավորների դաստիարակման հարցի շուրջ: Մեզ մոտ շատ են խոսում կալանավորների վերադաստիարակման մասին, բայց տարվող աշխատանքները միանգամայն նողկալի և անհանդուրժելի բնույթ են կրում :Կարգ խախտողների նկատմամբ կիրառվում են պատիժներ, որոնք տեղին են և անհրաժեշտ...Բայց ծեծը...պատժի այդ ձևը վաղուց է վերացված / այդպես նշում են մեր օրենքները / ,սակայն այն դեռևս գոյություն ունի մեզ մոտ : Ցավոք սրտի, դա ճշմարտություն է : Ես գրքերում էի կարդացել դահիճների մասին և, չտեսնելով նրանց, ատել էի ամբողջ հոգով ...Այստեղ ես տեսա արարածի, որը հիշեցնում է կարդացածս գրքերի դահիճներին` սովետական զինվորի կերպարանքով ...Խնդրում եմ, լուրջ վերաբերվեք իմ խոսքերին և գրածս չհամարեք հիվանդ ուղեղի ծնունդ...Այդ դահիճի հարվածները ես զգացել եմ սեփական մաշկիս վրա ...
Բոլորին է հայտնի, որ ծեծը դաստիարակման վատ միջոց է...այն ավելի է գրգռում մարդուն, չարացնում նրան, լցնում զայրույթով, մղում ավելի վատ արարքների...Մինչդեռ, որքան ուժեղ է կենդանի հատու խոսքը...Միայն այդ խոսքն է, որ դաստիարակում է մարդուն...Բայց կան անձնավորություններ, որ դեռ չեն հասկանում այդ ճշմարտությունը...Խնդրում եմ, միջոցներ ձեռնարկել <<ծեծով մարդկանց վերադաստիարակման>> փորձերը խափանելու համար ...Թող կենդանի խոսքը չկորցնի իր հմայքն ու ուժը...
Հուսով եմ, որ այդպիսի միջոցներ կձեռնարկվեն ձեր կողմից...Սպասում եմ պատասխանի ...
Հարգանքներով` կալանավոր Պուշկին 1